Mbrojtësi i Brazilit, Gleison Bremer është ka firmosur kontratë të re me skuadrën e Juventusit, kanë njoftuar të hënën mediumet italiane.
Me rinovimin e kontratës që u bë zyrtare të hënën, Bremer do të jetë pjesë e Juventusit deri në vitin 2029 dhe do të ketë klauzolë lirimi në vlerë prej 60 milionë eurosh.
27-vjeçari vlerësohet ndër lojtarët kryesor tek Juventusi, ekip që e ka blinduar edhe për një periudhë të gjatë.
Ai është pjesë e Juventusit prej vitit 2022 kur iu bashkua nga Torino për 47 milionë euro dhe në dy sezonet e fundit ka regjistruar 83 paraqitje në të gjitha garat.
Bremer është mbrojtësi me më së shumti topa të rikuperuar në dy sezonet e fundit në Serie A, si dhe ka shënuar shtatë gola, të gjithë me kokë.
Gjithashtu, ai ka edhe 5 ndeshje të luajtura me fanellën e Kombëtares së Brazilit.
