Lufta e Rusisë gjithashtu ka shkaktuar alarm mbi furnizimet me ushqim nga Ukraina në pjesën tjetër të botës dhe furnizimet me gaz nga Rusia, si dhe ka ngritur pikëpyetje për sigurinë në Evropën Perëndimore.
Ushtria ruse aktualisht kontrollon rreth 95% të rajonit të Luhanskut. Në qytetin e Sievierodonetsk, pikën më intensive të luftimeve, rreth 500 civilë ishin të strehuar tek uzina në fabrikën kimike Azot në periferi industriale, shkruan Associated Press raporton teve1.info
Mbrojtja e uzinës kimike kujtoi fabrikën e rrethuar të çelikut Azovstal në qytetin e brutalizuar të Mariupolit, ku trupat ukrainase ishin të ngujuar për javë të tëra.
Sipas zyrtarëve Ukrainas vetëm gjatë 24 orëve të fundit të paktën gjashtë civilë ishin vrarë dhe 16 të tjerë të plagosur.
Mbështetja ndërkombëtare për gjendjen e rëndë të Ukrainës u demonstrua edhe një herë kur një medalje e Çmimit Nobel për Paqen e nxjerrë në ankand nga gazetari rus Dmitry Muratov u shit të hënën në mbrëmje për 103.5 milionë dollarë, duke thyer rekordin e vjetër për një Nobel. Ankandi synonte të mblidhte para për fëmijët refugjatë ukrainas..
