Skuadra e Bolognas ka shkruar historinë, duke siguruar për herë të parë finalen e Superkupës së Italisë.
Bologna këtë sukses e arriti pasi e eliminoi Interin në gjysëmfinale, duke e mposhtur pas ekzekutimit të penalltive.
Në fakt zikaltërit e nisën shumë mirë ndeshjen, duke kaluar në epërsi qysh në minutën e dytë, me golin e Marcus Thuram.
Por Bologna arriti ta barazoj rezultatin në pjesën e parë, pasi Ricardo Orsolini u tregua i sakt nga pika e bardhë, në minutën e 35-të.
Deri në fund të takimit, rezultati 1-1 mbeti i pandryshuar dhe fati u vendos në penalltin.
Në ekzekutimin e 11-të metërshave, futbollistët e Bolognas u treguan më të skatë, duke shënuar tre herë, derisa ata të Interit dy herë.
Në finale, Bologna do të përballet me Napolin, e cila mbrëmë shënoi fitore 2-0 ndaj Milanit.
Ndeshja finale zhvillohet ditën e henë, me 22 dhjetor, në ”King Saud University Stadium” në Riad të Arabisë Saudite, më fillim nga ora 20:00.
