Sipas CNN, Blinken adresoi dezinformatat që ai tha se Rusia po i përhap derisa po vë në cak Ukrainën dhe mënyrat e mundshme që Moska mund të sulmojë, duke thënë se ai shpresonte të “ndikojë Rusinë që të braktisë rrugën e luftës dhe të zgjedhë një rrugë tjetër, derisa ka ende kohë”.
“Ne nuk e dimë saktësisht se si do të shkojnë gjërat. Por ja se çfarë mund të presë bota të ndodhë”, tha Blinken.
“Së pari, Rusia planifikon të prodhojë një pretekst për sulmin e saj… Ne nuk e dimë saktësisht formën që do të marrë. Mund fabrikohet një i ashtuquajtur bombardim terrorist të sajuar brenda Rusisë. Zbulimi i shpikur i varrit masiv, një sulm i sajuar me dron kundër civilëve ose një i rremë”, tha ai.
“Rusia mund ta përshkruajë këtë ngjarje si spastrim etnik ose gjenocid, duke u tallur me një koncept që ne në këtë dhomë nuk e marrim lehtë, as unë nuk e marr lehtë duke u bazuar në historinë time familjare. Në ditët e fundit, media ruse tashmë ka filluar të përhapë disa nga këto alarme të rreme dhe pretendime për të maksimizuar zemërimin publik, për të hedhur bazat për një justifikim shpikës për luftën”, ka deklaruar mes tjerash Blinken.
Sekretari amerikan i Shtetit gjithashtu deklaroi se ai po fliste në Kombet e Bashkuara për Rusinë dhe Ukrainën “jo për të nisur një luftë, por për të parandaluar një të tillë”.
