Zëvendëskryeministri i Parë për Integrim Evropian, Zhvillim dhe Dialog i Republikës së Kosovës, Besnik Bislimi, priti në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajçak.
Zëvendëskryeministri i Parë për Integrim Evropian, Zhvillim dhe dialog i Kosovës, Besnik Bislimi, në takim me Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajçak, ka thënë se çështja e dinarit ka thënë se kjo nuk është pjesë e dialogut në Bruksel.
Sipas komunikatës së Qeverisë, Bilimi ka siguruar Lajçakun se Qeveria është e interesuar të sigurojë vazhdimin e ndihmave nga Serbia për qytetarët serbë të Kosovës.
“Mbi Rregulloren e BQK-së, zëvendëskryeministri Bislimi sqaroi se kjo nuk është pjesë e procesit të dialogut, dhe e njëjta nuk është subjekt i negociatave mes palëve. Poashtu, e siguroi z. Lajçak qё Qeveria ёshtё e interesuar tё sigurojë vazhdimёsinё e mbështetjes financiare tё Serbisë për serbët e Kosovës nё fushёn e edukimit, shёndetёsisё dhe mbrojtjes sociale”, thuhet në komunikatë.
Në takim u bisedua mbi ecjen tutje dhe avancimin në zbatimin e Marrëveshjes Bazike. Në lidhje me këtë, zëvendëskryeministri Bislimi ritheksoi se marrëveshja duhet të zbatohet përmes një plani të sekuencimit të drejtë, të barabartë e të balancuar mes palëve.
“Nënshkrimi i marrëveshjes është garancë dhe për pranim e zbatim të saj. Në këtë drejtim, refuzimi nga Serbia dhe letra e kryeministres Brnabiq dhjetorin e kaluar, nuk kontribuojnë pozitivisht në frymën e dialogut dhe zbatimin në plotni të marrëveshjes”, ka thënë Bislimi .
Ai ka kërkaur heqjen e masave ndaj Kosovës duke thekësuar se ato janë të padrejta dhe duhet të bëhen hapa finalizues drejt heqjes së tyre.
“Më tej, në lidhje me rrugëtimin e Republikës së Kosovës drejt anëtarësimit në Këshillin e Evropës, u sqarua dhe nga emisari Lajçak që anëtarësimi i Kosovës nё kёtё organizatë nuk ndërlidhet me procesin e dialogut, dhe se ato janë dy procese të ndara”, thuhet tutje.
Lajçak pas takimin me Bislimin ka thënë se kanë pasur një bisedë konstruktive, ndërsa sa i përket dinarit “janë disa pyetje që shkojnë përtej mandatit të këtyre ekspertëve dhe i kemi diskutuar këto çështje me Bislimin”.
