Ishte duke punuar në këtë ndërtesë në Fushë Kosovë.
Por pikërisht këtu, një punëtor, pasditen e së premtes, dyshohet se ra nga kati i dytë i saj.
Për pasojë, i njëjti pësoi lëndime të rënda në kokë dhe fytyrë.
Pas lëndimeve të marra, ai u dërgua për trajtim në Qendrën Klinike Universitare të Kosovës.
“Sot rreth orës 17:00, kemi pranuar informatën se një person ka rënë nga një lartësi (objekt) në Fushë Kosovë, derisa ishte duke punuar. Personi i lënduar është dërguar në QKUK, për trajtim mjekësor, ndërkohë që policia në koordinim me prokurorinë dhe Inspektoratin e Punës kanë nisur një hetim lidhur me këtë rast”, thuhet nga Policia e Kosovës.
Tëvë1 ka tentuar të marrë informacione shtesë edhe nga QKUK, por të njëjtit nuk kanë dhënë një përgjigje.
Një javë më parë, një punëtor humbi jetën në fshatin Meqë të Gjakovës, pas një incidenti të rëndë që dyshohet se ndodhi gjatë punës me një kamion.
