Veprat e tij, janë në secilin raft të librave të Besnik Jahaj.
E gjeniu që i shkroi ato, është shkrimtari shqiptar me nam botëror, Ismail Kadare.
Autori më i madh shqiptar, ndërroi jetë të hënën në moshën 88 vjeçare në Tiranë.
Por, Kadare pas vetës vetëm në shqip, la rreth 100 vepra.
E të gjitha këto, i lexoi profesori në Fakultetin e Studimeve Islame, Besnik Jaha.
Madje, letrari i ri, nuk u ndal me kaq.
Ky publikoi edhe një monografi për veprat e Kadaresë.
“Nuk do të kisha guxuar të shkruaj një studim monografik për Kadarenë, pa e lexuar krijimtarinë e tij, letrare e publicistike. Kadare ka disa vepra që janë kryevepra. Distpoia e Kadaresë është një studim që ka marrë kohë të shkruhet për shkak se është dashur të lexohet krejt krijimtaria e tij dhe versionet e botimeve”, thotë Besnik Jaha- letrar.
Jaha thotë se Kadare mbetet shkrimtari më i madh shqiptar deri më sot.
“Vdekja e Kadaresë është humbje e kulturës shqiptare, nuk ka ndonjë shkrimtar, ndonjë emër të historisë së kulturës shqiptare deri me sot, që ka arritur ta prezantoj letërsinë shqipe neper botë sa ka arritur Kadare”, ka thënë ai.
Ndërsa tregon se cili është romani i tij i preferuar i shkrimtarit nga Gjirokastra.
“Është një monografi për romanin “Pallati i Ëndrrave” që edhe unë e konsideroj si veprën më të mirë të Kadaresë, sipas studimeve të bëra për këtë vepër, kritika franceze ka thënë se nëse do të përzgjidheshin 10 veprat më të mira të të gjitha kulturave botërore të të gjitha kohërave, “Pallati i Ëndrrave” do të bënte pjesë në mesin e atyre 10 veprave”, shprehet ai.
Ismail Kadare, lindi në vitin 1936 në Gjirokastër të Shqipërisë.
Pesëdhjetë vjet më vonë, Kadare emigroi në Francë, ku më pas u bë edhe anëtar i Akademisë Francezë të Shkencave Morale e Politike.
Në Francë, shkrimtari shqiptar fitoi disa çmime ndërkombëtare dhe për shumë vjet u përmend edhe si pretendent i mundshëm për çmimin Nobel për Letërsinë.
Ndërsa vitin e kaluar, nga vet presidenti francez, Emmanuel Macron, iu dha nderi “Oficer i Madh i Legjionit të Nderit”.
