Sulmuesi Besart Ibraimi është befasia e madhe te Shkëndija e Tetovës në këtë afat kalimtar.
Ibraimi, të enjten është prezantuar te skuadra tetovare që nuk i ka bërë të ditura detajet e transferimit.
37-vjeçari po shihet si përforcim i duhur te Shkëndija, ekip që në sezonin 2024/25 synon titullin e kampionit të Maqedonisë së Veriut.
Ibraimi po kthehet te Shkëndija pas tri vjetësh, kurse prej vitit 2022 ishte pjesë e skuadrës së Strugës.
Ai ka luajtur për Shkëndijen prej vitit 2015 deri në vitin 2021, përpara se të transferohet te Xanthi në Greqi dhe për t’u kthyer pas një viti në Maqedoni të Veriut, por te Struga.
Ibraimi ka fituar pesë tituj kampioni, tre me Shkëndijen dhe dy të tjerë me Strugën, ekip për të cilin ka shënuar 4 gola në po aq paraqitje në kualifikimet e garave evropiane.
