Kryetari i Partisë Demokratike në Shqipëri, Sali Berisha, ka reaguar pas takimit të kryeministrit shqiptar, Edi Rama, me ish-presidentin e Serbisë, Aleksandar Vuçiç, në Budva, duke i akuzuar të dy për qëndrimet e tyre ndaj Kosovës, studentëve shqiptar dhe sigurisë në rajon.
Në një postim në Facebook, Berisha ka deklaruar se Rama dhe Vuçiç kanë qëndrime të përbashkëta për çështjen e Kosovës, protestat e studentëve dhe marrëdhëniet me Rusinë.
“Ata kanë të përbashkët: Antishqiptarizmin. Të dy janë armiq të egër të pavarësisë së Kosovës dhe bënë projektin për ndarjen e saj”, ka shkruar Berisha në Facebook.
Ai i ka akuzuar gjithashtu dy liderët për lidhje të pretenduara me krimin, ndikim në proceset zgjedhore dhe kundërshtim të sanksioneve ndaj Rusisë.
Berisha ka ngritur akuza edhe për marrëdhëniet e tyre me studentët dhe mënyrën se si, sipas tij, janë trajtuar protestat në Shqipëri dhe Serbi.
Duke komentuar takimin në Budva, kreu i PD-së e ka cilësuar takimin si një bashkëpunim mes tyre dhe i ka konsideruar rrezik për paqen dhe stabilitetin në rajon.
Në reagimin e tij, Berisha ka pretenduar se Rama dhe Vuçiç ndihmojnë njëri-tjetrin politikisht dhe kanë qëndrime të ngjashme edhe sa i përket politikës ndaj Rusisë./teve1.info/
