Kandidati për kryetar të Prishtinës nga Aleanca për Ardhmërinë e Kosovës, Bekë Berisha ka prezantuar planin e tij për lagjet Ulpiana dhe Dardania të kryeqytetit.
Sipas Berishës, ky plan pasqyron vizionin e përbashkët për një Prishtinë më të rregulluar, më të jetueshme dhe që respekton historinë e saj.
“Ulpiana dhe Dardania, themelet e lashta të Prishtinës sonë! Beka, bashkë me Argjir Rexha, kandidatin tonë për Kuvend Komunal, në mesin e miqve dhe përkrahësve prezantuan programin konkret për Ulpianën dhe Dardaninë, të përpiluar bashkë me qytetarët dhe për qytetarët. Ky program është rezultat i dëgjimit të nevojave reale të lagjeve dhe bashkëpunimit të vazhdueshëm me komunitetin. Ai pasqyron vizionin e përbashkët për një Prishtinë më të rregulluar, më të jetueshme dhe që respekton historinë e saj”, ka shkruar ai në Facebook.
