Trajneri Adis Beqiragiq do të jetë pjesë e basketbollit kosovar edhe edicionin e ardhshëm.
Ai të martën është zyrtarizuar në krye të KB Trepçës, ekip me të cilin ka firmosur kontratë. Beqiragiq është njëri prej trajnerëvë më të suksesshëm në Kosovë, pasi ka fituar dy tituj kampioni me Golden Eagle Yllin, si dhe Kupën e Kosovës me Pejën.
i në dy edicionet e fundit ka qenë në krye të Yllit, ndërsa prej edicionit të ardhshëm do ta drejtojë Trepçën.
“Kemi kënaqësinë t’u njoftojmë që Adis Bećiragić është trajner i ri i skuadrës sonë. Beqiragiq është trajner i dëshmuar në basketbollin tonë dhe shumë i suksesshëm. Është edhe pëzgjedhës i Bosnjë-Hercegovinës. Mirë së vjen në familjen gjelbër e zi, z.Beqiragiq”, thuhet në njoftimin e Trepçës. Me angazhimin e Beqiragiqit, Trepça po paralajmëron se edicionin e ri, do të futet fuqishëm në garë për titullin e kampionit. Këtë edicion, Trepça e fitoi Kupën e Kosovës, ndërsa u mposht në serinë finale të plejofit nga Peja.
