Ekonomisti, Erton Bega thotë se vlera më e përshtashme e koeficientit për sektorin e arsimit, shëndetësisë e policisë do të ishte rreth 130 euro.
Siç thotë ai, kjo do merrte parasysh dëmet e shkaktuara nga shteti gjatë shtatë viteve të fundit.
“Për këto grupe të cilat këta punonjësit më masiv, si sektore, që është sektori i arsimit, i shëndetetësisë edhe i policisë e të tjera, koeficienti më i përshtatshëm në këtë fazë do të ishte vlera e koeficientit rreth 130 euro, sepse kjo do të merrte parasysh të gjitha dëmet që shteti me veprime të gabuara i ka shkaktuar në këto 7/8 vitet e fundit”, theksoi ai në “Ditari” në Tëvë 1.
Bega potencoi se pagat në këta sektorë nuk janë ndryshuar që nga viti 2014/2015.
“Ne jemi dëshmitarë që pagat e tyre nuk janë prekur nga viti 2014 apo 1025 dhe prej atëherë këta marrin një pagë të njëjë. Shteti njëherë tentoi t’ua rrit pagat në vitin 2020. Ai ligj u shfuqizua nga Gjykata Kushtetuese. Dhe unë mendoj që për këto ppzita masive të sektorit të arsimit, të sektorit të shëndetësisë, të sigurisë, koeficienti prej 130 euro do të ishte i duhuri, marrë parasysh edhe zhvillimet në 3/4 vitet e fundit”, deklaroi ai.
Vlera e koeficientit të pagës për 82 mijë zyrtarë publikë për vitin 2023 do të jetë 105 euro. Këtë vendim e ka marrë Qeveria në mbledhjen e sotme përderisa është miratuar edhe plotësim-ndryshimi i Buxhetit për vitin 2023. /Teve1.info/
