Bashkimi Evropian pas dështimit të takimit të radhës ndërmjet Kosovës dhe Serbisë për çështjen e e dinarit ka thënë se palët s’kanë gatishmëri për të bërë kompromise për të arritur dakordim për çështjen e pagesave cash në Kosovë, pas dështimit të takimit të shtatë të palëve për çështjen e dinarit.
Në një deklaratë për media të lëshuar nga zyra për informim thuhet se takimi i sotëm dëshmojë që palët nuk janë të gatshme për kompromis
“Takimi i fundit sot dëshmoi që palët nuk ishin në gjendje të gjenin një zgjidhje kompromisi në çështjet e hapura. BE-ja shpreh keqardhje që sot nuk u arrit asnjë marrëveshje. BE-ja vlerëson se nuk ka gatishmëri për të gjetur marrëveshje kompromisi për të ardhmen”, thuhet në deklaratë.
Deklarata përfundon me shqetësimin se mungesa e marrëveshjes ka pasoja negative në jetën e serbëve të Kosovës dhe komuniteteve të tjera të Kosovës.
