Serge Gnabry nuk është i paprekshëm te Bayerni përkundër që është njëri prej lojtarëve më të paguar në klub.
“Bild” ka raportuar të premten se Bayerni po pret ofertat për sulmuesin, të cilin po dëshiron ta shesë me të përfunduar sezoni aktual.
Te Bayerni nuk janë të kënaqur me 27-vjeçarin dhe për këtë arsye po shpresojnë të marrin një ofertë deri në 50 milionë euro për kartonin e tij.
Gnabry është pjesë e Bayernit prej vitit 2017, ndërsa ka luajtur edhe te Hoffenheimi, Werder Bremeni, Arsenali e West Bromwichi.
Ai këtë sezon ka 12 gola e 11 asistime për Bayernin, ekip me të cilin ka kontratë deri në verën e vitit 2026.
