Bayern Munich është në kërkim të një portieri pas largimit të Yann Sommer në drejtim të Interit.
Portieri i parë i bavarezëve, kapiteni Manuel Neuer nuk pritet të rikthehet në fushën e blertë edhe për disa javë dhe Bayern po kërkon një portier tjetër.
Kepa Arrizabalaga është emri i ri në listën e dëshirave të Bayern Munich, me portierin spanjoll që është i gatshëm të largohet nga Chelsea.
Londinezët kanë nënshkruar me Robert Sanchez dhe Kepa nuk e ka të sigurt vendin e titullarit te Chelsea.
Thomas Tuchel e pëlqen shumë spanjollin dhe ka punuar me të në Stamford Bridges, derisa ka kërkuar nga drejtuesit e klubit transferimin e tij.
Bavarezët janë futur në bisedime me Chelsean për të marrë Kepan, derisa kërkojnë huazimin e tij me të drejtë blerje në fund të sezonit.
Vet portieri është i gatshëm për një lëvizje drejt Munichut dhe kjo javë është vendimtare për të ardhmen e tij.
