Borussia Monchengladbach i është bërë një “macë” e zezë Bayern Munich. Monchengladbach në “Borussia-Park” fitoi 3:2 ndaj bavarezëve në kuadër të xhiros së 21 në Bundesligës.
Mankthi në këtë stadium për Bayerni nisi në minutën e dhjetë me Upamecanon që u ndëshkua me të kuq. Këtë epërsi numerike e shfrytëzoi mirë skuadra vendase, e cila pas tre minuta kaloi në epërsi me Lars Stindl. Bayern Munich me pas arriti të barazojë shifrat në minutën e 35-të me Eric Maxim Choupo-Moting.
Me të filluar pjesa e dytë, vendasit kthyen epërsinë, kur Alassane Plea asistoi te Hofmann i cili shënoi për 2-1. Në minutën e 84-të, G’ladbach siguroi fitoren, kur Marcus Thuram shënoi për 3-1.
Krejt në kohën shtesë, Devies asistoi te Mathys Tel i Bayern Munich, i cili shënoi për 3-2.
Deri në fund nuk kishte më gola të tjerë dhe Borussia mori fitoren e tetë në kampionat, ndërsa ka pestë ndeshje me radhë që merr pikë ndaj Bayern Munich.
Bavarezët mbesin lider me 43 pikë, ndërsa mund ta humbasin Union Berlin mposht Schalke 04 të dielen.
Vijon të bëjë mirë edhe Freiburgu, që këtë pasdite ia doli të triumfojë me rezultatin 0-2 në transfertën ndaj Bochumit dhe të ruajë pozitat në vendin e katërt me 40 pikë, vetëm tre më pak se Bayerni kryesues. Gregoritsch hapi serinë e golave në të 39-ën dhe Holer shënoi të dytin në të 51-tën për Freiburgun, ndërsa Bochum mbeti me 10 futbollistë, pas kartoni të kuq të Losilla në të 64-ën, duke mos arritur të rihapë më lojën.
Rikthehet te fitorja edhe Leipzig, që pas një barazimi e një humbjeje, befasoio Wolfsburgun në trasnfertë, duke iu imponuar me rezultatin e pastër 0-3. Forsberg shënoi për “demat” golin e avantazhit në të 14-ën, ndërsa në minutat 85’ dhe 92’ ishin Laimer dhe Szoboszlai që vulosën suksesin. Me këtë fitore, Leipzig ngjitet në kuotën e 39 pikëve, në vendin e pestë të renditjes.
Provon të shqelmojë krizën edhe Stuttgarti, që pas tre humbjesh radhazi, ia doli të triumfojë me rezultatin e pastër 3-0 ndaj Kolnit në shtëpi dhe të dalë përkohësisht nga zona e ftohtë e renditjes.
