Komisioni për Ankesa i Federatës së Futbollit të Kosovës (FFK), ka vendosur që trajnerit të Llapit, Tahir Batatinës, t’i zbutet dënimi i shqiptuar nga Komisioni Disiplinor dhe Etikës.
Batatina ishte dënuar me tri ndeshje ndalesë të kryerjes së funksionit, ndërsa me vendim të Komisionit për Ankesa, ai nuk do të jetë në stol në vetëm dy ndeshje.
Ndërkohë, ka mbetur në fuqi vendimi për gjobë prej 500 euro ndaj Batatinës.
Batatina ishte dënuar për sjellje josportive pas përfundimit të ndeshjes me Dukagjinin.
