Me humbje e nisi dhe me humbje e përfundoi fazën e grupeve Kosova U18 në Kampionatin Evropian të basketbollit Divizioni B që po mbahet në Rumani.
Të mërkurën, Kosova regjistroi edhe humbjen e pestë në po aq ndeshje në fazën e grupeve, pasi pësoi nga Finlanda me shifrat 85:78.
Kosovës nuk i mjaftoi paraqitja e mirë e Besim Bytyqit që ndeshjen e përfundoi me 26 pikë, katër kërcime e katër asistime. Mal Tusuni i realizoi 15 pikë e 14 kërcime, ndërsa Erion Nixha i realizoi 13 pikë e tri kërcime.
Kosova i ka humbur të gjitha pesë ndeshjet në grup. Ka pësuar edhe nga Hungaria, Estonia, Zvicra e Çekia. Finlanda e shënoi fitoren e parë.
Tani Kosova U18 luan për plasman prej pozitës së 17-të deri në pozitën e 22-të.
