Pas Golden Eagle Yllit, skuadra e Bashkimit ka mposhtur edhe Pejën në Superligën e Kosovës në basketboll.
Të dielën, në palestrën “Karagaçi” në Pejë, mysafirët triumfuan me rezultatin e ngushtë 119:118, dhe atë pas vazhdimit prej pesë minutave pasi koha e rregullt e takimit përfundoi 91:91.
Ndeshja ishte tejet interesante dhe dramë e vëretët, sidomos çereku i fundit kur Lejson Zeqiri me treshe barazoi rezultatin dhe siguroi vazhdimin prej pesë minutave.
Pas pesë minutave të para, rezultati ishte 104:104 pasi Tajh Green realizoi në fund për të siguruar edhe një vazhdim tjetër prej pesë minutave, në të cilin u përcaktua fituesi.
Me këtë fitore, Bashkimi mbetet në pozitën e dytë në tabelë me 22 pikë, një më shumë se Peja që renditet e treta në tabelë.
Për Bashkimin, kjo është fitorja e nëntë këtë sezon kurse Peja regjistroi humbjen e pestë.
Përballja në Pejë ishte e fortë dhe tejet interesante, me të dyja skuadrat që kalonin njëra tjetrën me epërsi brenda katër çerekëve.
Bashkimi e fitoi vetëm çerekun e parë (27:21), përpara se ti humb tri periodat tjera të ndeshjes (21:20, 18:13, 27:22), por që në fund, fituesi u përcakua me vazhdime.
Tajh Green me 35 pikë, 11 kërcime e 3 asistime ishte më efikasi te Peja, ekip ku u dalluan edhe Musab Mala me 18 pikë dhe Jordan Johnson me 16 pikë të realizuara.
Në anën tjetër, Isaiah Cousins me 21 pikë, 4 kërcime e 6 asistime ishte më i dalluari te skuadra e Bashkimit, ndonëse me lojë të mirë u veçuan edhe Lejson Zeqiri (22) e Kyan Anderson (29).
Padyshim se kjo ishte ndeshja më e mirë e këtij viti, ndërsa zgjati më shumë se dy orë e gjysmë.
