Kryetari i Kuvendit të Kosovës, Dimal Basha, ka ushtruar të drejtën e votës për zgjedhjet lokale në vend.
Basha ka ftuar të gjithë qytetarët që të dalin masivisht në votime, duke theksuar se vota është mënyra më e drejtëpërdrejtë për të ndikuar në vendimmarrjen e përditshme.
“Unë sapo ushtrova të drejtën time të votës, në një ditë që na bashkon të gjithëve për të vendosur mbi të ardhmen e komunave tona. Prandaj, ftoj të gjithë qytetarët që të dalin masivisht dhe të votojnë, sepse vota është zëri juaj që dëgjohet dhe mënyra më e drejtëpërdrejtë për të ndikuar në vendimet që prekin jetën tonë të përditshme. Le të jetë kjo ditë një festë e demokracisë – me votime të qeta, pjesëmarrje të lartë dhe me frymë të plotë qytetarie. Kështu dëshmojmë edhe një herë pjekurinë tonë demokratike dhe dashurinë e sinqertë për vendin që duam”, ka shkruar ai në Facebook.
