Shqipëria dhe Serbia janë në diskutime për hapjen e dy zyrave konsullore: një zyrë shqiptare në Bujanoc, në Luginën e Preshevës, dhe një zyrë serbe në Shkodër.
Lajmi është shoqëruar me reagime të shumta kundërshtuese në Shqipëri, por edhe në Kosovë.
Profesori Mazllum Baraliu thotë se qëllimi i Serbisë është që të ndikojë në trevat shqiptare.
“Qëllimi i Serbisë është që të ndikojë në trevat shqiptare. Për këtë arsye po hapet edhe konsullata e Serbisë në Shkodër. Mendoj se nuk ka nevojë për një konsullatë të tillë pasi që numri i serbëve që jetojnë në Shkodër është shumë i vogël. Në anën tjetër, duhet që patjetër të kemi një të tillë në Luginën e Preshevës pasi që dominohet nga shqiptarëve”, ka thënë Mazllum Baraliu në emisionin “Këndi i Debatit” në Tëvë1.
Ai ka lëshuar kritika edhe ndaj kryeministrit shqiptar, Edi Rama.
“Kryeministri i tashëm i Shqipërisë, Edi Rama, nuk ka kontribuar aq shumë për shqiptarët që jetojnë jashtë Shqipërisë “Londineze”. Ai ka marrë edhe iniciativa si “Ballkanin e Hapur” që ndikojnë keq për shqiptarët jashtë kufijve të Shqipërisë”, ka vlerësuar Mazllum Baraliu.
