Profesori, Mazllum Baraliu deklaron se do të ketë mbi 50% të qytetarëve për të marrë pjesë në votime në zgjedhjet parlamentare në Kosovë.
Në Edicionin Special Live në Tëvë1, Baraliu thotë se kjo rritje do të jetë për arsye se Kosova ka pasur një përgatitje të madhe për këto zgjedhje.
Madje, ai përmend që për herë të parë në Kosovë, ka qenë një Qeveri që e ka mbajtur mandatin.
“Sa më shumë në përqindje dalin njerëzit, sa më masive të jetë pjesëmarrja në votime kjo e legjitimon edhe parlamentin çdo deputet dhe mandej edhe Qeverinë. Më shumë pres që të dalin se 50% kësaj radhe për arsye se kemi pasur një përgaditje më të madhe, për herë të parë kemi pasur një Qeveri që katër vite e ka mbajtur këtë mandatë, për herë të parë pas shumë vitesh po thuajse pas çdo dy vitesh kemi pasur rënie të qeverisë dhe zgjedhje të jashtëzakonshme , tani kemi afatin për fushata një muaj ditë”, deklaroi Baraliu.
Tutje, dalja në Pejë në vitin 2021 në zgjedhjet parlamentare para orës 10:00 kanë votuar 4500 persona.
“Ishte indikator i mirë që do të duhej të vazhdonte në të gjitha qendrat e votimit në gjithë territorin e Kosovës”, tha Baraliu./teve1.info/
