Profesori i çështjeve juridike, Mazllum Baraliu vlerëson se kushtetuta e Kosovës duhet të pësojë ndryshime serioze, duke filluar nga preambula
Sipas tij preambula duhet të ketë më shumë informacion për historinë e komunitetit shqiptar të Kosovës.
“Për të mos thënë duhet e tërë struktura të rishkruhet që nga preambula, e cila fillimisht më lejoni të konstatoj që është diskriminuese. Pra është një preambulë e pazakonshme në kushtetutat e kësaj natyre dhe vendeve serioze. Ne e konsiderojmë veten serioz pavarësisht a na njohin apo jo të tjerët në bashkësinë ndërkombëtare…Kosova është dëshmuar edhe si një shtet serioz, edhe si demokraci e konsoliduar pak a shumë po them. Ne do të duhet ta kishim një preambulë që flet si për të gjitha strukturat tjerat popullore, pra kombe edhe etni që bëjnë kushtetuta, që flet edhe për të kaluarën, për historinë e komuniteteve, në veçanti shqiptarëve në Kosovë. Ndërsa kjo kushtetutë fillon gjithsesi edhe për shkaqe politike, nga jashtë e nga brenda, fillon vetëm në të ardhmen. Historia nuk është askund”, ka thënë Baraliu.
Kushtetuta e Kosovës ka mbushur 15 vjet nga miratimi.
