Rruga “Bajram Bahtiri” në kryeqytet tash e ca muaj është në këtë gjendje. E sipas banorëve kjo gjë po iu shkakton atyre telashe të mëdha. Por kishte dhe nga ata që ishin optimist në rregullimin e rrugës.
Thuajse çdo automjet që kalonte këndej binte në to të hënën.
Kjo gjendje është qe dy mua në rrugën “Bajram Bahtiri” në kryeqytet.
E këto gropa po iu shkaktojnë telashe të mëdha banorëve të kësaj zone.
“Kjo rrugë i ka dy muaj që është kështu, kjo është në gjendje të mjerueshme. Për vetura e për këmbësor po është shumë vështirë…”, ka deklaruar banori, Shyqeri Alshiqi.
Ai madje ka një kërkesë drejtuar Komunës së Prishtinës.
“Një kërkesë ia kisha bërë Komunë që me marr masa pak më shumë te kompanitë”, ka thënë ai.
Por dikush është më shumë optimist që kjo rrugë do të rregullohet shpejt.
“Do të rregullohet dal e ngadalë, se Kosova ka qenë e shkatërruar e gjitha, e duhet me pranuar. Se po kujtojnë njerëzit që për një ditë rregullohen krejt. Nuk rregullohen krejt, duhet kohë…”, ka thënë banori, Selim Berisha.
Madje kishte edhe nga ata qytetarë që pretendonin se i dinë arsyet se pse rruga ka mbetur në këtë gjendje.
“Për shkak të ndryshimit të motit i kanë ndërpre punimet”, ka deklaruar banori, Daut Rama.
Televizioni ka dërguar pyetje edhe në Komunën e Prishtinës për këtë çështje, mirëpo të njëjtit deri në momentin e publikimit të kronikës nuk kanë kthyer përgjigje.
