Këto janë dëmtimet që thotë se po i shkaktohen çdo ditë.
Besim Tahiri, banor i lagjes “Gëzim Sahiti” në Ferizaj thotë se gjithë këto dëme, sipas tij, po vijnë nga punimet e një objekti që po ndërtohet buzë shtëpisë së tij.
E një banor tjetër tregon se me këto punime në këtë objekt po u vështirësohet jeta, pasi që nisën pa pëlqimin e tyre.
Kurse, Kenan Gashi nga Rrjeti i organizatave joqeveritare – AVONET vlerëson se me lëshimin e kësaj leje ndërtimore është shkelur ligji në fuqi për planifikimin hapësinor.
Lidhur me këto pretendime, nga Prokuroria Themelore e Ferizajt kanë konfirmuar për televizionin se kanë filluar hetimet në këtë drejtim.
“Ju njoftojmë se Prokuroria Themelore në Ferizaj, lidhur me këtë rast është në fazën e grumbullimit të provave dhe informacioneve, për shkak të dyshimit të veprës penale ‘Keqpërdorimi i pozitës apo autoritetit zyrtar’ sipas Kodit Penal të Republikës së Kosovës (KPRK)”, kanë bërë të ditur nga Prokuroria Themelore e Ferizajt.
Por, të gjitha këto i mohon drejtori i Urbanizmit në Komunën e Ferizajt, Arbër Bytyqi.
Ky i fundit thotë se fillimisht, ishte anuluar leja ndërtimore për këtë kompani, por që më pas e njëjta është lëshuar për shkak se i ka plotësuar të gjitha kriteret e kërkuara.
Tëvë1 ka tentuar të marrë një qëndrim edhe nga kompania projektuese, por që të njëjtit nuk kanë pranuar të përgjigjen.
Kronika e realizuar nga gazetari Lindrit Zejnullahu
