Trajneri i Ballkanit, Ilir Daja ka publikuar formacionin për ndeshjen kundër Hamrun Spartans në kuadër të rrethit të dytë kualifikues të Ligës së Konferencës. Kjo ndeshje nis në orën 18:00 dhe luhet në stadiumin “Zahir Pajaziti” në Podujevë.
Si Ballkani ashtu edhe Hamrun, janë skuadra që u eliminuan në rrethin e parë kualifikues të Ligës së Kampionëve për të vazhduar aventurën evropiane në Ligën e Konferencës. Ballkani ndaj Hamrunit do të paraqitet me sistemin 4-3-3, ku në portë është Enea Koliqi.
Në mbrojtje janë vendosur Gentrit Halili, Astrit Thaqi, Bajram Jashanica e Arbër Potoku.
Mesfusha përbëhet nga braziliani Queven, Lindon Emërllahu dhe Marsel Ismajgeci.
Në sulm, trajneri Daja ka vendosur Walid Hamidin, Bernard Karricën e Almir Kryeziut.
