Eksperti i marrëdhënieve ndërkombëtare, Mustafë Bajrami, ka deklaruar se Shtetet e Bashkuara të Amerikës janë duke kaluar nëpër një krizë serioze të gjetjes së liderëve të rinj.
Sipas Bajramit kjo krizë shkaktohet zakonisht kur klasat politike mundohen që në mënyrë të dhunshme ta mbajnë pushtetin.
“Shtetet e Bashkuara të Amerikës sikur në shumë rrafshe të tjera edhe në atë të gjetjes së liderëve të rinj është duke kaluar nëpër një krizë serioze, krizë e gjetjes së gjakut politik, e krijimit të kuadrove të reja. Kjo krizë shkaktohet zakonisht kur klasat politike me mjete demokratike apo jodemokratike me mjete të disponueshme ‘me dhunë’ të them, mundohen ta mbajnë edhe më tutje pushtetin në dorë”, ka thënë ai në emisionin “Këndi i Debatit”, në Tëvë1.
Këtë të martë qytetarët amerikanë janë duke votuar për presidentin e ri të tyre mes dy kandidatëve, republikanit Donald Trump dhe demokrates Kamala Harris.
Presidenti i zgjedhur do të inaugurohet të hënën më 20 janar 2025, në ambientet e kompleksit Kapitol – inaugurimi i 60-të presidencial në historinë e SHBA-së./teve1.info/
