Mesfushori i Kombëtares së Shqipërisë, Nedim Bajrami pritet të ndërroj ekip këtë verë por jo edhe kampionat. Mediumet italiane kanë raportuar të martën se Bajrami do të largohet nga Sassuolo me të përfunduar edicioni aktual për t’u transferuar te skuadra e Bolognas.
Në fakt, thuhet se Bajrami tashmë ka arritur marrëveshje personale me Bolognan, ekip që është në negociata me Sassuolon për lirimin e tij. Te Bologna janë të gatshëm të ofrojnë deri në 8 milionë euro për Bajramin, i cili me Sassuolon ka kontratë deri në verën e vitit 2027.
Bajrami iu bashkua Sassuolos verën e shkuar nga Empoli dhe këtë edicion ka shënuar 2 gola dhe ka bërë po aq asistime në 26 paraqitje kampionale. Për dallim prej Sassuolos që po lufton për mbetje në Serie A, Bologna edicionin e ardhshëm pritet të paraqitet në garat e UEFA-s.
Aktualisht, Bologna zë vendin e katërt në tabelë me 62 pikë të mbledhura kur kanë mbetur edhe pesë xhiro deri në fund të edicionit.
Bajrami 25-vjeçar ka edhe 21 paraqitje për Shqipërinë dhe 3 gola të shënuar.
