Përmes një postimi në Facebook, Bajrami ka thënë se në shumicën e shkollave sot mësimi nuk është mbajtur.
Sipas saj, përgjegjësia për dështimin e mësimit është e ministres së Arsimit, Arbërie Nagavci, për të cilën tha se e ka hartuar kalendarin mësimor pa e pyetur askënd.
“E shtuna ditë dështimi, nuk ishte ditë mësimi. Shumica e nxënësve në shkollën “Ismail Qemali” në Prishtinë nuk kanë shkuar sot në shkollë. E njëjta situatë ishte pothuajse në secilën shkollë. Diku shkuan dy nxënës, diku katër e diku tjetër shtatë. Por, mësimi nuk u mbajt. Nxënësit nuk përfillën urdhrin e ministres Nagavci. As kërcënimet se do t’i përdorë inspektorët për mbikëqyrur mbarëvajtjen e mësimit këtë të shtunë nuk funksionuan.Përgjegjësia për dështimin e mësimit është e ministres Nagavci, e cila hartoi kalendarin mësimor pa e pyetur askënd. As prindërit dhe as përfaqësuesit sindikalë të arsimit”, tha ajo.
Teksa sipas saj, partia në pushtet, Qeveria dhe ministrja Nagavci po i konsiderojnë fëmijët, SBASHK-un e prindërit sikur të ishin opozita e këtij vendi.
“Partia në pushtet, Qeveria dhe ministrja Nagavci po i konsiderojnë fëmijët, SBASHK-un e prindërit sikur të ishin opozita e këtij vendi. Qasje krejt e gabuar. Nuk bisedojnë me SBASHK-un; nuk bisedojnë me prindërit, nuk bisedojnë me mësimdhënësit. E kërcënojnë se do të përdorin inspektorët”, tha Bajrami.
Tutje ajo bëri thirrje qeverisë dhe ministres Nagavci që të dialogojnë me SBASHK-un dhe me prindërit për kompensim të orëve.
“Me dialogu duhet sidomos me ata që nuk pajtohesh, andaj ulu dialogo me SBASHK-un, me prindërit dhe me të gjithë derisa të pajtoheni për kompensim të orëve, sepse qasja juaj vetëm dështim po na sjellë asgjë tjetër. Humbësit janë fëmijët, familjet dhe gjithë shoqëria”, tha tutje ajo./teve1.info./
