Në një lidhje direkte për emisionin “Info Nata” në Tëvë, Florent Azemin u shpreh se e sheh të pa arsyeshme ndarjen e 100 mijë euro për ukrainasit apo për refugjatët e Ukrainës përderisa janë 12 mijë refugjatë veriorë në Kosovë.
“Veriu kërkon zgjedhje imediate. Kjo qeveri fatkeqësisht është në gjumë, po flenë përderisa problemet i ka reale dhe për neve është e pa arsyeshme t’u ndahen 100 mijë euro për ukrainasit apo për refugjatët e Ukrainës përderisa ne i kemi 12 mijë refugjatë veriorë në Kosovë të cilët për 23 vite radhazi nuk po mund të kthehen në pronat e veta, kjo është shqetësuese dhe mendoj që reagimin tonë të fundit, kryeministri do ta marrë për bazë për arsye se ne kemi mbetur një numër i vogël i banorëve dhe shitja e pronave ka filluar me të madhe në Veri të Mitrovicës.
Azemi më tutje ka shtuar se Qeveria duhet ta ndajë një buxhet dhe të investojë në Veri që të kthen qytetarët në pronat e veta
“Qeveria duhet ta ndajë një buxhet dhe të investojë në veri. Duhet të investohet në Veri, duhet të kthen qytetarët në pronat e veta, duhet të stimulohen edhe organet e tjera relevante për çka janë përgjigjes institucionet. Qeveria aktuale i ka afro 3 miliardë euro… prandaj ne jemi të gatshëm që kryeministri të na ftoj në takim dhe ne jemi të gatshëm ta jepim maksimumin t’i dalim në ndihmë të jepim mbështetje të fuqishme që të na kthehet jeta në veri, e kemi gjendjen e papunësisë së rëndë, kemi mbet në mëshirën e Zotit për 23 vite radhazi”, tha Azemi në Tëvë1.
