Në orën 11:00 iu drejtuan Prokurorisë Speciale.
Avokati, Asdren Bytyqi, dorëzoi kallëzim penal ndaj Belisar Jecerzit, për veprat penale “Nxitje e përçarjes dhe mosdurimit” dhe “Shtytje në kryerjen e veprave terrorriste”.
Sipas Bytyqit, Jezerci i cili është njëherazi anëtar i “Lëvizjes së Deçanit”, në vazhdimësi në rrjetet e tija sociale bënë thirrje për shfarosjen e myslimanëve.
“I njëjti në vazhdimësi, mirëpo veçanërisht me qëndrimin e tij publik në rrjetin e tij social në Facebook, me statusin e fundit ku bën thirrje për shfarosjen, përkatësisht spastrimin etnik të të gjithë myslimanëve shqiptarë nga territoret e Dardanisë, ashtu siç i thotë ai. Ky zotëri ka vepruar kësisoj duke nxitur dhe duke bërë thirrje masive për largimin e popullatës myslimane shqiptare nga territoret e Iliridës”, ka thënë Bytyqi.
Bytyqi thotë se organet e drejtësisë nuk janë duke e trajtuar në mënyrë të duhur rastin e Grupit të Deçanit.
“Kurse ndaj grupit të Deçanit, ky institucion ka politikë selektive, pra nuk mban drejtësi dhe i vë veshët në lesh dhe nuk i intereson fare dhe i mbyll të gjitha dosjet dhe nuk merr asnjë lloj veprimi të shpejtë, duke ditur që ky rast është një rast i paprecedent ku bëhet thirrje për shfarosjen, përkatësisht spastrimin etnik të gjithë popullatës myslimane shqiptare. Ne i bëjmë thirrje Prokurorisë Speciale që ta kryejë detyrën e saj që ia përcakton Kushtetuta dhe ligji dhe të marrë veprimet e duhura dhe të presim drejtësi prej saj, përkatësisht aktakuzë”, u shpreh Bytyqi.
Ai madje tha se presin që Prokuroria Speciale, pas pranim të kallëzimin penal të veprojë menjëherë në këtë rast.
“Ne kemi kërkuar që edhe të paraburgoset i njëjti, përkatësisht të caktohet edhe ndonjëra nga masat e sigurimit të të pandehurit gjatë në zhvillimit të procedurës. Për arsye se në rast se i njëjti tolerohet, jam i bindur që do të vazhdojnë jo vetëm me këtë intensitet, po dhe me një intensitet më të ashpër, sepse kjo është një politikë e sponsorizuar nga ana e Serbisë dhe armiqve të vendit tonë”, ka thënë tutje Bytyqi.
Kallëzimit penal të avokatit Bytyçi, i është kundërpërgjigjur përmes një shkrimi në Facebook, Belisar Jezerci.
“Kur fjala tremb, pushteti i dobët thërret prokurorinë. Këtu nuk kemi të bëjmë me drejtësi, por me një procedurë-shantazhi, me një procedurë-mbylljeje goje. Një përpjekje për të frikësuar dhe për t’i lodhur ata që guxojnë të mendojnë lirë dhe që ngrihen kundër arabizmit të kombit shqiptar. Le ta dinë mirë: idetë nuk burgosen. Historia nuk fshihet me padi. Identiteti nuk gjykohet në zyra avokatësh’, ka thënë Jezerci.
Jezerci ka shtuar se përkundër padisë, ai do të vazhdoj me aktivitetet e tij.
