Avni Dehari, babai i Astrit Deharit, nuk ka komentuar shumë pretendimet e Haki Abazit që ka video-incizime që dëshmojnë se kush i ka zhdukur mostrat e Astritit, i cili kishte ndërruar jetë në Qendrën e Paraburgimit në Prizren në vitit 2018.
Dehari në një përgjigje për Tëvë1, ka thënë se duhet të flasin ata që deri sot heshtën.
“Nuk dua të lëshohem në rrafshin e atyre personave që rastin e Astritit dhe çdo rast tjetër e shfrytëzojnë për realizimin e synimeve personale. Rasti i mostrave ka ndodhur më 8.12.2023. Pyetini ata që tash ngritën pse kanë heshtur atëherë dhe pse duan të flasin tani për këtë rast”, ka thënë ai.
Deputeti i VV-së ka thënë se për zhdukjen e këtyre mostrave Prokuroria duhet të intervistojë edhe kryeministrin Kurti.
