Avdia tha se Bashkimi Evropian sot ka marrë një vendim diskriminues ndaj Kosovës pasi që thekson se u është mundësuar liberalizimi i vizave edhe shteteve përtej Bashkimit Evropian.
Shembull e merr Bolevinë për të cilën thekson se ka me mijëra trafikantë e çështje tjera të zeza në raport me popullsinë e Kosovës.
“Bashkimi Evropian ka luajtur një vendim diskriminues në raport me Kosovën është ku liberalizimi i vizave është bërë edhe për vende përtej Bashkimit Evropian siç është Bolevia e tjerat ku në atë shtet ka me mijëra trafikantë e çështje të zeza në raport me popullsinë e Kosovës. Këtë janë kritere, janë një lloj disbalsance mes këtyre kritereve që kërkon Bashkimi Evropian dhe Kosova”, tha Avdia.
I ftuar në emisionin “Këndi i Debatit” në Tëvë1, analisti Tomor Avdia tha se Kosova duhet të punojë fort në këtë çështje në gjashtë mujorin e dytë për të rritur pikat të cilat i ka mungesë.
“Qytetarët e Kosovës dhe në përgjithësi edhe politika e Ballkanit Perëndimor duhet ta zvogëlojë pritshmërinë në këtë gjashtë mujorin e parë edhe për një çështje tjetër pasi është një konflikt i hapur në mesin e Evropës mes Rusisë dhe Ukrainës dhe vendimi i Bashkimit Evropian ka shkuar në drejtim të atyre vendeve për të trimëruar pak këto vende që janë të kërcënuara nga frustrimi rus dhe në këtë rast bashkimi Evropian ka marrë këtë vendim”, tha Avdia.
