Pas Barcelonës edhe Atletico Madridi është futur në garë për mesfushorin e Interit, Marcelo Brozoviq ka njoftuar “AS” të mërkurën. Brozoviq pritet të largohet këtë verë nga Interi, pasi ekipi italian po kërkon të paktën 40 milionë euro për kartonin e tij.
Ai po pëlqehet nga trajneri i Atleticos, Diego Simeone, i cili po e sheh si përforcim të rëndësishëm për mesfushën. Mësohet se ekipi spanjoll ka ofruar Jose Maria Gimenezin për kartonin e Brozoviqit, pasi mbrojtësi i Uruguait pëlqehet shumë nga Interi.
Brozoviq 30-vjeçar ka kontratë me Interin deri në vitin 2026, ndërsa këtë edicion ka 2 gola e 1 asistim në 30 paraqitje.
