Mesfushori i Kombëtares së Shqipërisë, Ernest Muçi do të largohet nga Beshiktashi pas pak muajve për të vazhduar karrierën në Premier League.
Bëhet e ditur se Muçi me të përfunduar edicioni aktual do të transferohet te skuadra e Aston Villas, e cila thuhet se parimisht ka arritur marrëveshje me Beshiktashin për transferimin e tij.
Për kartonin e Muçit, klubi anglez ka ofruar 20 milionë euro pasi 23-vjeçari pëlqehet shumë nga trajneri Unai Emery që ka insistuar në transferimin e tij.
Muçi tek Aston Villa po shihet si përforcim i rëndësishëm për mesfushën për edicionin e ri dhe zyrtarizimi i marrëveshjes mes palëve do të zyrtarizohet brenda këtij muaji.
Muçi në muajin shkurt të këtij viti iu bashkua Beshiktashit nga Legia e Varshavës për 10 milionë euro dhe me ekipin turk ka kontratë deri në verën e vitit 2027.
Në elitën e futbollit të Turqisë, Muçi ka shënuar 3 gola në 11 paraqitje, ndërsa ka edhe 9 ndeshje të luajtura dhe 2 gola të shënuar për Shqipërinë.
