Skuadra e Aston Villas ka mbetur për një periudhë të gjatë pa mbrojtësin Tyrone Mings.
Ekipi anglez, të hënën ka konfirmuar lëndimin e 30-vjeçarit, të cilin e pësoi në ndeshjen e parë të edicionit të ri kundër Neëcastle Unitedit.
Mings u lëndua në minutën e 30-të, ndërsa Aston Villa u mposht me rezultatin e thellë 5:1.
Në njoftimin e klubit, thuhet se Mings ka dëmtuar gjurin dhe pas kontrollimeve shtesë, është konfirmuar lëndimi i tij i rëndë.
Ai brenda kësaj jave do ti nënshtrohet operimit dhe do të mungojë për disa muaj, pasi procesi i rehabilitimit të tij thuhet se është i gjatë.
Mings është pjesë e Aston Villa prej vitit 2019 dhe edicionin e shkuar ishte ndër më të dalluarit në ekip.
