Kristjan Asllani po kthehet te Interi pasi Torino po e vlerëson mbylljen e huazimit të tij në mënyrë të parakohshme, edhe pse ishte aktivizuar si titullar te ekipi nga Serie A.
Kjo pasi klubi torinez nuk është bindur nga performanca e përfaqësuesit shqiptar dhe po mendon ta largojë nga ekipi qysh këtë muaj.
Nëse Torino e mbyllë marrëveshjen e huazimit, Asllani do të rikthehet te Interi, i cili e mban në pronësi kartonin e tij, shkruajnë mediat italiane.
Interi pastaj do ta kërkojë një zgjidhje tjetër për të gjetur minutazh për mesfushorin kualitativ duke e huazuar sërish ose duke e shitur.
Sipas mediave italiane, Interi i ka nisur kontaktet me Gironën, e cila ka kërkuar informata nga Zikaltrit për lojtarin e tyre.
Interi e vlerëson 12 milionë euro kartonin e lojtari, ndërsa mbetet të shihet nëse klubi i La Ligas do ta kërkojë lojtarin në formë huazimi apo ta blejë përfundimisht kartonin e tij.
