Futbollisti i Kombëtares së Shqipërisë, Jasir Asani përfundimisht do të largohet nga skuadra e Koresë së Jugut, Gwangju.
Te Gwangju janë të detyruar ta shesin Asanin për t’u përshtatur me rregullin e ferplejit financiar të ligës koreane dhe tashmë kanë njoftuar edhe futbollistin, i cili është pajtuar me vendimin e klubit.
Raportohet se tashmë tri klube kanë shprehur interesim për transferimin e Asanit, i cili ka kontratë me Gwangjun deri në fund të vitit të ardhshëm dhe kartoni i tij vlerësohet rreth 1 milion euro.
Vissel Kobe e Yokohama Marinos nga Japonia po e synojnë Asanin, të cilin po e kërkon edhe Jeonbuku i Koresë së Jugut.
Asani prej janarit të vitit 2023 bën karrierë në Korenë e Jugut , ndërsa këtë sezon ka shënuar 10 gola dhe ka bërë 1 asistim në 20 paraqitje në të gjitha garat për Gwangjun.
