Skuadra e Arsenalit ka zyrtarizuar transferimin e ri dhe të katërtin për këtë afat deri më tani, i cili del të jetë portieri David Raya.
Gardiani spanjoll, i bashkohet gunners në formë huazimi, me obligim blerje në sezonin tjetër për shkak të fairplay financiar pasi londinezët kanë shpenzuar shuma të majme deri më tani.
Raya, 27 vjeçar, i lindur në Barcelonë sezonin e kaluar ka qenë një nga pikat kyçe të Brentford, ndërsa ka arritur 161 paraqitje me këtë skuadër, para se të nënshkruante për Arsenalin.
Në intervistën e parë për gjigantin anglez, ai ka thënë se ndjehet shumë i lumtur që i është dhënë mundësia të përfaqësojë këtë skuadër.
“Jam në hënë që kam mundësi të kem këtë sfidë në karrierën time dhe të bëj një hap të madh. Kam shikuar Arsenalin për disa vite, por prej se Arteta ka ardhur ai ka bërë një diferencë të madhe në stilin e lojës dhe në klub. Skuadra ndërton nga prapa, janë konfident dhe mbajnë posedimin ndaj skuadrës tjetër, kjo mendoj se është kryesore që unë do të përshtatem këtu. Do të mundohem ta ndihmojë skuadrën sa më shumë që është e mundur dhe do të shohim çka ndodh”
Raya, 27 vjeçar, i lindur në Barcelonë sezonin e kaluar ka qenë një nga pikat kyçe të Brentford, ndërsa ka arritur 161 paraqitje me këtë skuadër, para se të nënshkruante për Arsenalin.
