Dy mitralozë, 11 kallashnikovë, 22 armë të gjata të llojeve të ndryshme, e një arsenal armësh të tjera, përfshirë uniforma ushtarake e këmisha të policisë.
Gjithë kjo sasi e armëve u gjet në zonën e Zubin Potokut, vetëm mes datave 6 dhe 17 gusht.
Madje, drejtori i përgjithshëm Policisë Gazmend Hoxha, tha se ekzistojnë dyshime se ky armatim është përdorur në ekzekutimin personave të pagjetur, mbetjet mortore të së cilëve dyshohet se u gjetën në Kalludër të Zubin Potokut.
E më shumë detaje për gërmimet që po zhvillohen në Kalludër të Vogël, dha ministri në detyrë i punëve të brendshme, Xhelal Sveçla.
Gjithë këto gjetje, Sveçla tha se nxjerrin në pah dimensionet e krimeve të luftës.
Prandaj, ai kërkoi nga Bashkësia Ndërkombëtare që t’i bëj presion Serbisë.
Në këtë aksion të Policisë së Kosovës u sekuestruan edhe mbi 96 mijë euro.
Provat u prezantuan në një konferencë të jashtëzakonshme, të mbajtur pasditen e sotme në kampin e njësisë speciale në Mitrovicë, “Enver Zymberi”.
