Marrëveshja është arritur pas një takimi të nisur të dielën e që përfundoi të hënën në mëngjes.
Shpërthimi ishte lufta më e keqe midis Izraelit dhe grupeve militante të Gazës që kur Izraeli dhe sundimtarët e Hamasit të Gazës luftuan një luftë 11-ditore vitin e kaluar, duke shtuar shkatërrimin dhe mjerimin që kanë pllakosur Gazën e bllokuar për vite me radhë.
Që nga e premtja, avionët izraelitë kishin goditur objektivat në Gaza, ndërsa grupi militant Palestinez Xhihad i mbështetur nga Irani hodhi qindra raketa në drejtim të Izraelit.
Gjatë tre ditëve të luftimeve, 43 palestinezë u vranë, duke përfshirë 15 fëmijë dhe katër gra, dhe 311 u plagosën, tha Ministria e Shëndetësisë palestineze. Izraeli tha se disa nga të vdekurit u vranë nga raketat e gabuara, shkruan AP, transmeton teve1.info.
Izraeli tha të hënën se po rihap pjesërisht kalimet në Gaza për nevoja humanitare dhe do t’i hapte plotësisht nëse do të ruhej qetësia.
