Policia e Kosovës ka arrestuar një shtetas serb në pikën kufitare në Jarinje, i cili ishte në kërkim nga institucionet e drejtësisë.
Sipas njoftimit zyrtar, arrestimi është bërë në bazë të dy urdhëresave të lëshuara nga gjykata.
“Në bazë të dy urdhëresave të lëshuara nga gjykata është arrestuar i kërkuari mashkull shtetas i Serbisë dhe i njëjti është dërguar në mbajtje”, thuhet në raportin 24-orësh të Policisë së Kosovës.
I dyshuari, me vendim të autoriteteve kompetente, është dërguar në mbajtje për procedura të mëtejme.
