Një person është arrestuar të mërkurën nën dyshimin për sulm dhe dhunë në familje në Shtime, ka njoftuar Policia e Kosovës.
Në njoftim thuhet se, rreth orës 12:50, në stacionin policor në këtë qytet është paraqitur një grua, e cila ka raportuar se kishte qenë viktimë e dhunës fizike nga bashkëshorti i saj një ditë më parë.
I dyshuari 23-vjeçar, është shoqëruar në stacionin policor në Shtime, ku është intervistuar nga hetuesit e Njësisë për Dhunë në Familje.
Lidhur me rastin është njoftuar prokurori i shtetit, i cili ka urdhëruar ndalimin e të dyshuarit për 48 orë, për procedura të mëtejshme hetimore.
Ndërkohë, viktima është vendosur në një vend të sigurt./teve1.info/
