Një person është arrestuar në Gjakovë nën dyshimet se ka kryer veprën penale ‘lëndim i lehtë trupor’.
I njëjti dyshohet se për shkaqe xhelozie kishte goditur me grusht të dashurën e tij.
E njëjta ka marrë trajtim mjekësor për lëndimet e pësuara kurse i dyshuari është dërguar në mbajtje.
“Është arrestuar i dyshuari mashkull kosovar i cili pas një konflikti verbal për shkaqe xhelozie e kishte goditë me grusht në fytyrë viktimën femër kosovare me të cilën janë në lidhje dashurie. Si pasojë e dhunës viktima ka pësuar lëndime dhe ka pranuar tretman mjekësor, kurse i dyshuari me vendim të prokurorit është dërguar në mbajtje”, thuhet në njoftimin e policisë.
