Një person është arrestuar pasi dyshohet për veprën penale “Marrje ryshfeti”.
Sipas njoftimit të Policisë dhe Prokurosië Speciale, pas dy bastisjeve të realizuara nga Drejtoria për Hetimin e Krimeve Ekonomike dhe Korrupsionit në Gjilan dhe Prishtinë, është arrestuar personi i dyshuar me inicialet V. M.
“Me kërkesë të Prokurorisë Speciale të Republikës së Kosovës dhe me urdhër të Gjykatës Themelore në Prishtinë, hetuesit nga Drejtoria për Hetimin e Krimeve Ekonomike dhe Korrupsionit (DHKEK) kanë realizuar dy bastisje në Gjilan dhe në Prishtinë, në kuadër të veprimeve hetimore lidhur me një rast të dyshuar të tjetërsimit të një prone”, thuhet në njoftimin e përbashkët të Policisë së Kosovës dhe Prokurorisë Speciale.
Më tej, lidhur me rastin, Policia bën të ditur se janë sekuestruar sende dhe materiale që dyshohet se mund të jenë relevante për hetimin.
