Një 48-vjeçar është arrestuar nga Policia e Kosovës, pasi dyshohet se ka kanosur një avokat në Ferizaj.
Sipas Policisë, avokati ka deklaruar se ishte kanosur nga personi me inicialet M.M., 48 vjeç.
Nga hetimet fillestare dyshohet se ngjarja ka ndodhur në rrugën “Hajredin Reshani” në Ferizaj.
Sipas policisë, motivi i dyshuar lidhet me pakënaqësinë e të dyshuarit për ushtrimin e detyrës së mbrojtjes juridike nga avokati në një çështje të mëparshme penale.
Me vendim të prokurorit, ndaj të dyshuarit është iniciuar rast për veprën penale “Kanosja”, ndërsa ai është ndaluar për 48 orë.
