Policia e Kosovës ka bërë të ditur se gjatë ditës së sotme ka arrestuar një person i cili sipas policisë në automjetin e tij po transportonte paisje për të cilat nuk kishte dokumentacion të prejardhjes.
“Sot me datë 20.04.2022 rreth orës 15:00, njësia patrulluese policore në rr. ”E Ulqinit” në Mitrovicë ka ndaluar automjetin transportues- Pick up, të cilin e drejtonte i dyshuari me inicialet (B. J.). Në automjetin në fjalë ishin duke u transportuar pajisje për ndriçim artificial për të cilat pajisje drejtuesi i automjetit nuk kishte mundësi të prezantonte asnjë dokument të prejardhjes se këtyre pajisjeve”, thuhet në njoftim.
Sipas PK-së me vendim të prokurorit ndaj të dyshuarit është lëshuar vendimi për ndalimin 48 orësh, për të vazhduar me hetimet e mëtejme./teve1.info/.
