Policia e Kosovës ka arrestuar një zyrtar të Agjencisë Pyjore të Kosovës nën dyshimin për keqpërdorim të pozitës apo autoritetit zyrtar.
I dyshuari – teknik i pylltarisë, dyshohet se ka tejkaluar kompetencat e tij duke shfrytëzuar pozitën për përfitime pasurore.
Sipas hetimeve fillestare, ai ka marrë para nga qytetarë të ndryshëm të rajonit të Prizrenit.
Me vendim të prokurorit, i arrestuari është dërguar në mbajtje për 48 orë, ndërsa rasti po hetohet.
“Është arrestuar i dyshuari mashkull kosovar, teknik i pylltarisë në Agjensionin Pyjor të Kosovës, me dyshimin se duke shfrytëzuar detyrën zyrtare i ka tejkaluar kompetencat e tij me qëllim që të përfitojë dobi pasurore për vete, duke marrë para nga qytetarët e ndryshëm të rajonit të Prizrenit. Lidhur me rastin me vendim të prokurorit i dyshuari është dërguar në mbajtje për 48 orë”, thuhet në raportin ditor. /teve1.info/
