Janë arrestuar një 22 vjeçar dhe një 20 vjeçar në Prishtinë të cilët dyshohen për rrëmbim.
Kështu ka konfirmuar për tëvë1.info zëdhënësi i policisë për rajonin e Prishtinës, Enis Pllana.
Pllana ka bërë të ditur se Njësia e Hetimeve të Përgjithshme e Rajonit të Prishtinës të cilat kanë ndërmarrë të gjitha veprimet e nevojshme për trajtimin e rrethanave të rastit.
“Arrestohen dy persona të dyshuar për rrëmbim-sekuestrohet arma Prishtinë, 01 gusht 2025 – Më 29.07.2025 ankuesi ka denoncuar në Polici, se ishte rrëmbyer nga disa persona. Specialist nga Njësia e Hetimeve të Përgjithshme e Rajonit të Prishtinës, menjëherë kanë ndërmarrë të gjitha veprimet e nevojshme, për trajtimin e rrethanave të rastit. Puna hetimore ka rezultuar me identifikimin dhe arrestimin e dy të dyshuarve, A.R, 22 vjeç dhe L.R, 20 vjeç, si dhe sekuestrimin e një arme, që dyshohet të jetë përdorur në rast. Ndaj të dyshuarve me aktvendim për ndalimin e personave të dyshuar nga Prokurori i Shtetit janë dërguar në mbajtje prej 48 orësh”, ka deklaruar Pllana./teve1.info/
