Përzgjedhësi i Izraelit Ran Ben Shimon ka folur për mundësinë e mungesës së dy lojtarëve kyç të kombëtares.
“Revivo dhe Solomon janë duke u testuar për ta parë situatën. Do ta dimë gjendjen e tyre më vonë”, ka theksuar ai.
Për të dy është raportuar se mund të mungojnë.
Ben Shimon ka thënë se të dyja ekipet Izraeli dhe Kosovës kanë nivel të afërt.
“Niveli i dy përfaqësueseve është i afërt. Kosova është përfaqësuese e fortë, do të jetë interesante si përballje. Sa u përket rezultateve, nuk bazohemi në histori. Kosova ka ekip të mirë por do të shohim nesër”, është shprehur ai.
